《讀者投稿》
有事鍾無艷，無事夏迎春。
話說今個星期日過大禮啦，但我真係忍唔住要講出黎。可能大家會話係個男既冇本事，咪唔好嫁囉但家家有本難唸的經，原生家庭更惡頂呢。
兩年前未來老爺中風入院，病情不妙，已經七十歲。傳統思想既未來奶奶就叫佢寶貝仔嗱嗱聲買隻戒指仔俾我，想我披麻帶孝，又搵屋企人拎八萬蚊做禮金俾我屋企人。
但女家唔願個女嫁得咁委屈，喺仲未傾掂之際，未來老爺就香左喇。香左之後咁婚事就冇頭又冇尾，我地就決定計劃落去之際，未來奶奶突然殺出個鄉下傳統老規矩：什麼親人過世要兩年後一年內結婚，而裝修更要兩年後先裝。
WTF！
咁男方都先求婚，再重長計議婚事。說時遲，那時快，又返返去禮金到。突然未來奶奶將銀碼減至六萬八同埋係「借」俾個仔，又話女家貪錢。。。
奶奶對婚事更不聞不問，完全冇關心過，同兩年前係醫院，醫生問我係病人邊位家屬 ，未來奶奶9秒9話係未來媳婦既反應180度轉變。
最奇趣既係，奶奶要跟埋黎過大禮呀！！！
＃我的極品四大長老
Search